పాట నెం :35

ఎదురుచూపే చూస్తున్నా నువ్వస్తావనీ 

ఎదలో మదనే పడుతున్నా నిను చూడాలనీ 

నీ కోసమే నేనున్నది - నీవు లేనిదే నేను లేనులే 

నా ప్రాణం నీవేగా                               //ఎదురు//

నిన్ను చూడకుండా కంటికి నిద్దురే లేదులే 

నిన్ను మరువలేక మనసుకి మౌనమే ముచ్చటయ్యేనే

ఎవరు పిలుపు విన్నా -నీ పలుకే అనుకుంటున్నా 

ఎటువైపు నే చూస్తున్నా - నీ రూపమే కలగంటున్నా

ఎద పావురంలా ఎగురుతుందే - నిన్ను కలవటానికి   //ఎదురు//

నువ్వు పక్కన ఉన్నన్నాళ్ళు నాకు పొద్దే తెలియలేదే 

నా చెంతన నీవు లేక - కాలమే గడువదే 

ఆనాటి మన అలకలు -ఈనాటి జ్ఞాపకాలయ్యేనే 

ఆనాటి మన ముచ్చటలు - మూన్నాళ్ళ ఓదార్పుగా మారెనే 

తెలిసిందిలే తలపేమిటో - ప్రియా నీవు లేని భారం    //ఎదురు//

!!!!!!!!!!!!!!

గరిమెళ్ళ రాజా