పాట నెం :8

పల్లవి :

ప్రేమా నిన్ను ప్రేమించినా
ప్రేమయే  కనిపించునా ?
ప్రేమా నిన్ను పూజించునా
ప్రేమయే ఫలించునా ?
ప్రేమ పేరుతో కదులుతున్న కధలెన్నో
ప్రేమ మాయలో మునుగుతున్న వ్యధలెన్నో
అది నీకే తెలుసు - మా గతి ఎవరికి తెలుసు    //ప్రేమా //

చరణం 1:-
`

పాట నెం :7

ఈ టివి 2 వారికోసం వాలెంటైన్స్ డే సందర్భంగా నా రెండవ పాట 

తన ప్రియురాలు కొన్ని రోజుల తర్వాత తన కోసం తిరిగి వచ్చిన క్షణం లో 

ప్రియుడు  పాడుకునే ఈ పాట 
***********************************************************************************************************************************
నిన్ను చూడగానే గుండెస్పందన మొదలాయె
నీ రాకతోటే మనసుహాయి తెలిసిందే
నీ వాలుచూపుల్లో నా తలపు మురిసిందే
నీ చిరునవ్వుల్తో నా గుండెగంట మ్రోగిందే
ఓ చెలీ ఓ చెలీ ఓ చెలీ .......... ... వెన్నెల్లో జాబిల్లి
ఓ చెలీ ఓ చెలీ ఓ చెలీ........... ... నా కన్నుల్లో దీవాళీ    //నిన్ను చూడగానే //

చరణం 1 :-
కలవరింతలకు కాలం చెల్లిపోయే
కమ్మనైన నీ శ్వాస గంధమై చేరే
ఏ తుళ్ళింతలు ఇక నన్ను చేరలేవే
నీ అడుగుల సవ్వడే నా గమ్యమాయే
నీ పిలుపు చాలు అది పంచదార పలుకు
నీ ఉనికి చాలు అది నన్ను మేలుకొలుపు  

ఓ చెలీ ఓ చెలీ ఓ చెలీ .......... ... వెన్నెల్లో జాబిల్లి
ఓ చెలీ ఓ చెలీ ఓ చెలీ........... ... నా కన్నుల్లో దీవాళీ    //నిన్ను చూడగానే //

చరణం 2: -

ఊహలతో ఇక నాకు పనిలేదాయే
ఊపిరల్లే  నీ రూపం నాలో నిలచిపోయే
ఎక్కిళ్ల తిప్పలు  అవసరం లేదే
ఎదురుగా నువ్వుంటే నాకది చాలే
నీ చూపు చాలు అది వలపులాంటి చినుకు 
నీ స్పర్శ చాలు అది నా ప్రాణాన్ని నిలుపు 

ఓ చెలీ ఓ చెలీ ఓ చెలీ .......... ... వెన్నెల్లో జాబిల్లి
ఓ చెలీ ఓ చెలీ ఓ చెలీ........... ... నా కన్నుల్లో దీవాళీ    //నిన్ను చూడగానే //

పాట నెం :6

పల్లవి :  
నీ నగుమోము నడుస్తుంది నా ఊహల్లో
నీ వలపేమో తడుస్తుంది నా తలపుల్లో
ఎంత వేచినా , ఎంత చూచినా
తనివి తీరని తాపమే
మొహమై మదిలో మొదలాయే                                   //నీ నగుమోము //

చరణం1 :
నీతో గడిపిన నిముషం
నిలువెల్లా చూపించే నీ రూపం
మరువనే మరువదు జ్ఞాపకం
మదినంతా మేల్కొలిపే కలవరం
 ఏ చోటున్నా ,నీ పాటేగా
  ప్రేమగానమై వినిపించెగా                                      //నీ నగుమోము //

చరణం 2:
నేను నీవైన ఆ క్షణం
 నింగి నేల కలిసినని ఓ  భావం
 వీడలేదు నన్ను నీ ప్రేమ
ఏడ చూడలేని గొప్ప హంగామా
ఏ చోటున్నా , నీ ద్యాసేగా
 ప్రేమదాసున్ని అయ్యానిలా                                 //నీ నగుమోము //

పాట నెం :5

పల్లవి : 
ఆనందం అదిరింది 
ఆహ్వానం అందింది 
అందరి ఎదనే తాకింది 

అల్లరినే చేసింది 
ఆత్మీయత పంచింది 
ఎంతో అందంగా ఉంది 

మది సంబరమే అంబరమై
సరదాలు తిరిగే బొంగరమై 
మేళ తాళాలు మధురంగా మ్రోగగా 
సాహితీ సమ్మేళనం పండే తీయగా                  //ఆనందం //


చరణం 1 :
ఎందరెందరో ఎక్కడినుంచో వచ్చేసారండి 
అందరు కలిసి ఒక్కరిలాగా కదిలొచ్చారండి 
వేష ,భాషలన్నీ కలిసి వేడుక చేసాయి 
కుల ,మతాలు పక్కనపెట్టి సందడి తెచ్చాయి 
ఆనందం అందరి గుండెకు దండం పెట్టింది 
అనుభంధం అన్యోన్యంగా స్వాగతమిచ్చింది        //ఆనందం //


చరణం 2 :
అమ్మలక్కలు ఆడుతు పాడుతూ అలరించేసారు 
అబ్బాయిలు వారి గాత్రాన్ని ఝురిపించేసారు 
చిన్న ,పెద్ద అని మరచి చిందులు వేసారు 
చిరాకులు లేకుండా చిరునవ్వై మెరిసారు 
ఆనందం తాండవం చేస్తూ దండోరా వేసింది 
ఆప్యాయత అమ్మగా మారి వండర్ చేసింది      //ఆనందం//