Sunday, 23 August 2015

పాట నెం :31

నీకు తోచిందే నువ్వు చెయ్యి సుల్తాను 
నీ దారిలో నీకు నువ్వే జావాను 
తూర్పు - పడమర ఏమైననూ 
నీ కున్న దిక్కులోనే ఎగరెయ్యి జండాను  //నీకు తోచిందే// 

ఏందిరా  కన్ ఫ్యూజను 
ఎట్లుందని నీ సోచను 
ప్రపంచంలో అందరూ నీలాంటోల్లే
ఆ అందరిలో కొందరూ ఇట్లాంటోల్లే
నచ్చచెప్పి చూడరా నచ్చుతావేమో 
అప్పగింతలేలరా అయోమయంలో    //నీకు తోచిందే//

వెనుక ముందు ఎందుకు ఇరకాటము 
ఎదురెళ్లి  చూస్తే దానికాటంకం
చరిత్రలో చదవటానికి పేజీలెన్నో 
ఒక్కొక్క పేజి చెప్పే మన కధలెన్నో 
అల్లుకొని పోవాలి  ఆనందంతో 
మార్పన్నది తేవాలి నీ ప్రేమ మార్గంతో  //నీకు తోచిందే//


- గరిమెళ్ళ రాజా 




పాట నెం :30

ఒక్క క్షణం ఒక్క క్షణం ఒక్క క్షణం 
ఆలోచించు నువ్వు ఒక్క క్షణం 
అధిరోహించు నువ్వు ఆ క్షణం 
ఇక ఆనందమే మరో క్షణం       //ఒక్క క్షణం//

సహించలేని సమయమున నిరీక్షించు 
నీ నిరీక్షణలో విచక్షణ కొనసాగించు 
మెలకువగా నిన్ను నువ్వు పరీక్షించు 
నిలకడలో నిజము నువ్వు పరిశోదించు 
క్షణమైనది విలువైనది 
గడిచినది రానిది 
క్షణమైనది సొగసైనది 
మన చేతిలో అది ఉన్నది     //ఒక్క క్షణం//


భరించలేని స్థితిలోన సముదాయించు 
భ్రమలో నీవు ఉన్నవేళ అది గమనించు 
పొరపాటు జరగకుండా సంరక్షించు 
ధర్మముగా ఉండటాన్ని ఆచరించు 
క్షణమైనది మెలికైనది 
నీ మార్పుకు శ్రీకారమది 
నీ చెంతనుండే ఓ గుణమది  //ఒక్క క్షణం// 


''మనల్ని మార్చేది ,మార్పు తెచ్చేది ఆ ఒక్క క్షణమే 
మంచికైనా ,చెడుకైనా కారణం ఆ ఒక్క క్షణమే 
మనం ఎలా ఉన్నా ,ఇలా ఉన్నా 
మనం కేవలం ఆ క్షణ భాదితులమే 
కనుక ఒక్క క్షణం ఏమైనా చేసే ముందు 
ఆలోచన చేయగలిగి ,సరైన నిర్ణయం 
తీసుకోగల్గితే తక్షణం మన జత కడుతుంది కదా ఆనందము ''


- గరిమెళ్ళ రాజా 

పాట నెం :29

పల్లవి :

ప్రియా పిలిచావా నన్నే నా ప్రియా ఓ ప్రియా
ప్రియా తలచావా నన్నే నా ప్రియా ఓ ప్రియా
నీ మనసులోని మాట పెదవి దాటెనా
పెదవిదాటిన ఆ మాట నన్ను తాకేనా   //ప్రియా //


చరణం 1 :

ఉంటున్నా ఒంటరిగా -జత లేని పందిరిగా
నాలోనే నేనే ఇలా అల్లుకుపోతున్నా
మనసంతా భారంగా - పూలు లేని దారంగా
నా మౌనంలో నేనే ఇలా మాలను అవుతున్నా
ఎటునుంచి వచ్చిందో ఆ శబ్దం
నానుంచి పోయింది నిశబ్దం
నువ్వంటే చస్తుందే నా ప్రాణం
నువ్వొస్తే తిరిగొస్తుందే ఈ జీవం   //ప్రియా//

చరణం 2 :

 నీకోసం వేచున్నా - మచ్చ లేని చంద్రుడిలా
నాలోనే నీ రూపాన్ని దాచుకుంటున్నా


పాట నెం :28
పల్లవి // 
ఉరకలేస్తు సూరీడు
తొంగి తొంగి తొంగి చూస్తుండు
మబ్బుల్లో దాగి చంద్రుడు
మౌనంగా అది వింటుండు
         
ఆకాశమే హరివిల్లు
అంటుంది ఈ చిరుజల్లు
హైలెస్సో ఓ ఓ హైలెస్సా //2//
       
కాటుక రెప్పన పూసిన పువ్వా నవ్వాలి
రేలా రేలా రేలా రేలా రేలారే
చిగురాకు చిన్ని సిరి సిరి మువ్వా ఆడాలి
రేలా రేలా రేలా రేలా రేలారే                                       //ఉరకలేస్తు //


చరణం1 //
 కాశ్మీరం వచ్చింది చూడు
 కొత్తదనం వచ్చే నేడు
 నీ తోటి కలిసెను జోడు
 నీకంటూ వుంది ఒక తోడు
           
 నిన్నలా లేని నేటి ఉధయం
కురిపిస్తోంది తన హర్షం

 ఏ జాబిలమ్మ దిగి వచ్చిందో
 ఏ కూనలమ్మ మిమ్ము కలిపిందో
 హైలెస్సో ఓ ఓ హైలెస్సా//2//

 మాటలురాని మౌనం తెర వీడాలి
  రేలా రేలా రేలా రేలా రేలార
 చేతికందిన చెలితో జోక్యం పెరగాలి
రేలా రేలా రేలా రేలా రేలారే                            //ఉరకలేస్తు //
           
           
చరణం2 // 
అందంగా ఉంది నేడు
 తన చెయ్యందుకోమంది చూడు
 సిగ్గు పడి ఆడ ఈడు
 అడుగు కదపకుంది మరి  చూడు

  కదిలే బొమ్మా -కలిసిన సమయం
 కలిపిందిలా వసంతం
                
 కోయిలమ్మ స్వాగతించింది 
నేలతల్లి దీవించింది 
హైలెస్సో ఓ ఓ హైలెస్సా//2//
                 
 వెన్నెల వేళ పున్నమి నేడు దిగివచ్చే
  రేలా రేలా రేలా రేలా రేలారే
 మంచి లగ్గమే సింగారంగా తరలోచ్
 రేలా రేలా రేలా రేలా రేలారే                         //ఉరకలేస్తు //

పాట నెం :27

వస్తున్నాడొస్తున్నాడో చంద్రబాబు
ఉప్పెనగా వస్తున్నాడో చంద్రబాబు
వస్తున్నాడొస్తున్నాడో చంద్రబాబు 
మరో సూర్యిడులా వస్తున్నాడో చంద్రబాబు

అందరినీ కలుపుకుంటూ
ప్రజల మనసు తెలుసుకుంటూ
అధికారం లేకున్నా
పాదయాత్ర చేపడుతూ
ప్రజాహిత క్షేమమే తన ఊపిరంటూ
ప్రజాసమస్యలకు మార్గమే -తన బాద్యతంటూ

వస్తున్నా మీకోసం అంటూ
నేనున్నా మీకండగా అంటూ   //వస్తున్నా//


ఎవడురా నేడెవడురా -నాయకుడు అంటే 
ఏదిరా మరేదిరా - నాయకత్వం అంటే 
ఎందరున్నా ఈ రాష్ట్రం లో కొరత మనకు ఉందిరా 
ఎన్ని ప్రభుత్వాలు వస్తున్నా భాగుపడేది ఎవడురా 

ఏమి చేసినాడురా -ఎంత చేసినాడురా 
గుర్తుంచుకొని - తరలిరండి దండిగా

నాయకులలో అధినాయకుడు చంద్రబాబు 
పాలనలో పట్టు ఉన్న శక్తి వీరు చంద్రబాబు 

అపనిందనలకు లొంగడు 
అవరోధాలకు జంకడు 

మన ఆత్మీయుడే నిండు చంద్రుడు చంద్రబాబు 
రాష్ట్ర భవితకే ఆదర్శనీయుడు చంద్రబాబు    //వస్తున్నా//



Tuesday, 18 August 2015

పాట నెం : 26

పల్లవి :
(అతడు )
నిన్ను చూడగానే పిచ్చపట్టి
సైగ చేసినానే కన్నుగొట్టి 
నా ప్రేమను మొత్తం కూడగట్టి 
వన్ టూ త్రీ లెక్కపెట్టి 
చెప్పేసా చెప్పేసా నీకే  ఐ లవ్ యూ ... ఐ లవ్ యూ ... ఐ లవ్ యూ  

(ఆమె )
నిన్నే  పిలిచా పేరు పెట్టి 
నీ వాకింగ్ స్టైల్ నచ్చ బట్టి 
నాలో ఏదో ప్రేమపుట్టి 
పలికా నేనే మనసు పెట్టి 
చెప్పేసా చెప్పేసా నీకే  ఐ లవ్ యూ ... ఐ లవ్ యూ ... ఐ లవ్ యూ 

(అతను)
నీలో మ్యాజిక్ ఉండబట్టి 
లవ్ లవ్ అంటూ గుండె తట్టి 
నువ్వే జోడి అని వెన్ను తట్టి