పాట నెం :3
పల్లవి :
తెల్లవారుజామున నా గుండె ఆగిపోయినా
చంద్ర బింబమల్లే నువ్వు నాకు కనపడినా
ఆ సూర్యదేవుడైనా స్వాగత మనేగా
నీ మేలి సొగసులతో తను వెలుగును పంచేగా
నువ్వు నాకు వరమే ఓ సిరిమల్లి
ఆ నింగి నుండి దిగి రాదా ఆ జాబిల్లి
శతకోటి వర్ణాలే చినుకులుగా చేరి
సుస్వాగతం పలికే నాట్యముగా మారి  //తెల్లవారు// 

చరణం1 :-
   నువ్వుంటే వసంతమే నడిచొస్తుంది 
   నువ్వుంటే మందారమే విరబూస్తుంది 
   మిల మిల మెరిసే తారల కన్నా
  నీ మోమున పండే నవ్వులు మిన్నా
  నా కన్నా నా చిన్నా నువ్వేలే కన్నూ మిన్నా  //తెల్లవారు//

చరణం2 :-
2) నీకోసమే ఈ పుడమి అవతరించింది 
   నీ కోసమే పారిజాతం పరిమళిస్తుంది 
   సంగీతంలో సరిగమ కన్నా 
  నీ పేరులో ఉన్నా మధురిమ మిన్నా 
  నీవేలే నాగానం నా గాత్రం నీవే నీవే                 // తెల్లవారు//
చరణం3 :-
3) నువ్వుంటే ఆనందమే హర్షిస్తుంది 
   నువ్వుంటే మన బంధమే అందమౌతుంది 
   ఏడెనిమిది జన్మలు ఉన్నా 
   ప్రతి జన్మకు నిన్నే కోరుకుంటున్నా 
   నా కున్న నా ప్రాణం నా రూపం నువ్వే నువ్వే  //తెల్లవారు //
                                               - రచన & గానం : రాజేంద్ర ప్రసాదు