పాట నెం :17

ఎలా నిన్ను ప్రేమించాలి ఓ ఆడబొమ్మ

ఎలా నిన్ను ప్రేమించాలి ఓ పుత్తడిబొమ్మ

ప్రేమంటూ తెలియదే

నీతో ప్రేమలో పడ్డానే

ప్రేమించటం అంటే ఏమిటో

నే ఇప్పుడే చూస్తున్నా  //ఎలా//

ఒక్క పువ్వునే 100 సార్లు నీకు నేనివ్వనా

ఒక్క మాటనే 1000  సార్లు నీకు నేచెప్పనా

నీ చుట్టూనే తిరిగెయ్యనా - తిరిగే భూమల్లే

నీ వెంటే వచ్చేయ్యనా - కదిలే నీడల్లే

నీ కళ్ళలోన కల్లుపెట్టి - కాలమంతా పక్కనెట్టి

నిన్ను చూస్తూనే ఉండిపోనా -నెరజానా

నీ చేయిలోన చెయ్యిపెట్టి - చిన్న ఫీల్ నొక్కి పెట్టి

నీ గుండెపై వాలిపోనా - ఆ నిముషానా     //ఎలా//

నా కలలో ప్రతిసారి నిన్నే నేపిలువనా

నీ ద్యాసలో నీ నామజపాన్ని నేనుచేసేయనా

నీ రూపాన్ని చెక్కేయ్యనా - చిత్రకారుడినై

నీపై కవితనే రాసేయనా - కవిచక్రవర్తినై

నీ అడుగులోన అడుగువేసి -ముందువెనుక వదిలేసి

నీతో పయనమే సాగించనా - ఓ వెన్నెలమ్మ

నీ శ్వాస లో శ్వాస నిలిపి -ఊపిరంతా బిగబెట్టి

నీప్రేమలోనే బ్రతికెయ్యనా - ఓ నా  ప్రేమజన్మ  //ఎలా//

!!!!!!!!!!!!!!!!!!

గరిమెళ్ళ రాజా