పాట నెం :5

పల్లవి : 
ఆనందం అదిరింది 
ఆహ్వానం అందింది 
అందరి ఎదనే తాకింది 

అల్లరినే చేసింది 
ఆత్మీయత పంచింది 
ఎంతో అందంగా ఉంది 

మది సంబరమే అంబరమై
సరదాలు తిరిగే బొంగరమై 
మేళ తాళాలు మధురంగా మ్రోగగా 
సాహితీ సమ్మేళనం పండే తీయగా                  //ఆనందం //


చరణం 1 :
ఎందరెందరో ఎక్కడినుంచో వచ్చేసారండి 
అందరు కలిసి ఒక్కరిలాగా కదిలొచ్చారండి 
వేష ,భాషలన్నీ కలిసి వేడుక చేసాయి 
కుల ,మతాలు పక్కనపెట్టి సందడి తెచ్చాయి 
ఆనందం అందరి గుండెకు దండం పెట్టింది 
అనుభంధం అన్యోన్యంగా స్వాగతమిచ్చింది        //ఆనందం //


చరణం 2 :
అమ్మలక్కలు ఆడుతు పాడుతూ అలరించేసారు 
అబ్బాయిలు వారి గాత్రాన్ని ఝురిపించేసారు 
చిన్న ,పెద్ద అని మరచి చిందులు వేసారు 
చిరాకులు లేకుండా చిరునవ్వై మెరిసారు 
ఆనందం తాండవం చేస్తూ దండోరా వేసింది 
ఆప్యాయత అమ్మగా మారి వండర్ చేసింది      //ఆనందం//